အစိုးရအဖွဲ့ရုံး

 

တိုင်းဒေသကြီး ဥပဒေချုပ် - ဦးအောင်ဝင်း

တိုင်းဒေသကြီး ဥပဒေချုပ်ရုံး

လမ်း(၃၀)၊ ၆၈×၇၀ လမ်းကြား၊ တိုင်းရုံး စုပေါင်းရုံးကြီးဝင်း၊ ဗဟိုအမျိုးသမီးဆေးရုံရှေ့၊ ပတ်ကုန်းဝန်းကျင်ရပ်ကွက်၊

ချမ်းအေးသာစံမြို့နယ်၊ မန္တလေးမြို့။  Ph: 02 32064

 

Read more ...

၂၀၁၉ ခုနှစ် ဖေဖော်ဝါရီလ ၂၀ ရက်

 (၇၂) ကြိမ်မြောက် မွန်အမျိုးသားနေ့ အထိမ်းအမှတ် အခမ်းအနားကို ၂ဝ၁၉ ခုနှစ် ဖေဖော်ဝါရီလ ၂ဝ ရက်နေ့ နံနက် (၈)နာရီခွဲက မန္တလေးမြို့၊ ချမ်းမြသာစည် မြို့နယ် ၈၄ လမ်းနှင့် ၄၅ လမ်းထောင့် သာသနာ(၂၅၀၀) ဓမ္မာရုံတွင် ကျင်းပရာ မန္တလေးတိုင်းဒေသကြီးလွှတ်တော် ဒုတိယဥက္ကဋ္ဌ ဒေါက်တာခင်မောင်ဌေး၊ မန္တလေးတိုင်းဒေသကြီးအစိုးရအဖွဲ့ဝင်များဖြစ်ကြသော မန္တလေးမြို့တော်ဝန် စည်ပင်သာယာရေးဝန်ကြီးဌာန၀န်ကြီး ဒေါက်တာရဲလွင်၊ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ၀န်ကြီး ဦးမျိုးသစ်၊ တိုင်းရင်းသားရေးရာဝန်ကြီးဌာန ၀န်ကြီး ဦးစိုင်းပန်းဆိုင်၊ တိုင်း၊ ခရိုင်၊ မြို့နယ်အဆင့် ဌာနဆိုင်ရာ တာဝန်ရှိသူများ၊ မန္တလေးအခြေစိုက် တိုင်းရင်းသားလူမျိုးစုများအဖွဲ့ဥက္ကဌ၊ မွန်အမျိုးသားနေ့ကျင်းပရေး ကော်မတီနှင့် မွန်အမျိုးသားလူမျိုးစုများ လူမှုရေးအသင်းဥက္ကဌ ဦးနိုင်မောင်မြင့်နှင့် အဖွဲ့ဝင်များ၊ တိုင်းရင်းသားလူမျိုးစုအဖွဲ့ဝင်များ၊ ဖိတ်ကြားထားသူများ တက်ရောက်ကြသည်။

  ရှေးဦးစွာ မွန်အမျိုးသားနေ့ကို ဂုဏ်ပြုသောအားဖြင့် မွန်တိုင်းရင်းသားရိုးရာ ရွှေဟင်္သာ မွန်ယိမ်းအကဖြင့် ဖျော်ဖြေပြီး (၇၂)ကြိမ်မြောက် မွန်အမျိုးသားနေ့ အခမ်းအနားကို တိုင်းဒေသကြီးလွှတ်တော်ဒုတိယဥက္ကဌ၊ မန္တလေးမြို့တော်ဝန်၊ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီး၊ တိုင်းရင်းသား ရေးရာဝန်ကြီး၊ မွန်အမျိုးသားလူမျိုးစုများ လူမှုရေးအသင်းဥက္ကဌနှင့် ဒုတိယဥက္ကဌတို့က ဖဲကြိုးဖြတ်ဖွင့်လှစ်ကြကာ ကျင်းပရေးဦးစီးကော်မတီ ဥက္ကဌက နှုတ်ခွန်းဆက်စကားပြောကြား တိုင်းရင်းသားရေးရာဝန်ကြီးက မွန်အမျိုးသားနေ့ နှုတ်ခွန်းဆက်စကားပြောကြားသည်။

 ဆက်လက်၍ (၇၂) ကြိမ်မြောက် မွန်အမျိုးသားနေ့(ဗဟို) မြေစိုက်ပိုစတာရှင်းလင်းချက်စာတမ်းကို ဦးနိုင်ဗညားကျော်စွာမြင့်က ဖတ်ကြားတင်ပြပြီး တင်ရောက်လာသူများက မှတ်တမ်းတင်ဓါတ်ပုံများ ရိုက်ကူးကြသည်။

 ထို့နောက် မွန်အမျိုးသားနေ့တွင် မန္တလေးတိုင်းဒေသကြီးအတွင်းရှိ မွန်တိုင်းရင်းသားလူမျိုးများထဲမှ ပညာရေးတွင် ထူးချွန်စွာ အောင်မြင်ခဲ့ကြသောကျောင်းသား၊ ကျောင်းသူများအား ဆုများပေးအပ်ချီးမြှင့်ရာ ၂၀၁၇-၂၀၁၈ ပညာသင်နှစ် မွန်စာသင်တန်းထူးချွန်ဆု၊ မူလတန်း၊ အလယ်တန်း၊ အထက်တန်းနှင့် တက္ကသိုလ် ၀င်တန်း တစ်ဘာသာ ဂုဏ်ထူးရှင် သုံးဦး၊ နှစ်ဘာသာ ဂုဏ်ထူးရှင် သုံးဦး၊ သုံးဘာသာ ဂုဏ်ထူးရှင် နှစ်ဦးတို့အား တာဝန်ရှိသူများက ဆုများချီးမြှင့်ကြပြီး မွန်ရိုးရာအကများဖြင့် ဖျော်ဖြေခဲ့ကြသည်။

 

မန္တလေး၊ အောက်တိုဘာ ၁

 ၂၀၁၉ခုနှစ် အပြည်ပြည်ဆိုင်ရာသက်ကြီး ရွယ်အိုများနေ့ဂုဏ်ပြုအခမ်းအနားကို ယနေ့ နံနက်ပိုင်းက မြို့တော်ခန်းမတွင်ကျင်းပခဲ့ပြီး မန္တလေးခရိုင်အတွင်းရှိ အသက် ၉၅နှစ်နှင့်အထက် ဘိုးဘွားဦးရေ ၄၀၀ ကျော်တို့အား ကန်တော့ပစ္စည်းများနှင့် ထောက်ပံ့ငွေများပေးအပ်ခဲ့သည်။

အဆိုပါအခမ်းအနားအား မန္တလေးတိုင်းဒေသကြီးအစိုးရအဖွဲ့မှကြီးမှူးကျင်းပခြင်းဖြစ်ပြီး “ အသက် ကြောင့်မခွဲခြား တို့ဘိုးဘွား၊ စွမ်းအားတူညီ လျှောက်လှမ်းမည်” (The Journey to Age Equality)ဟူသည့် ဆောင်ပုဒ်ဖြင့် ယခုနှစ် အပြည်ပြည်ဆိုင်ရာသက်ကြီးရွယ်အိုများနေ့ကို ကျင်းပခြင်းဖြစ်ကြောင်းသိရသည်။

 အခမ်းအနားတွင် ၀န်ကြီးချုပ်ဒေါက်တာဇော်မြင့်မောင်က ဂုဏ်ပြုစကားပြောကြားပြီး တိုင်းဒေသ ကြီးလွှတ်တော်ဥက္ကဋ္ဌနှင့်ဇနီး၊ လွှတ်တော်ဒုတိယဥက္ကဋ္ဌ၊ အစိုးရအဖွဲ့ဝင် ၀န်ကြီးများနှင့် ၎င်းတို့၏ဇနီးများ၊ လူမှုဝန်ထမ်းဦးစီးဌာနမှ တာဝန်ရှိသူများ၊ အလှူရှင်များနှင့်အတူ မန္တလေးခရိုင်အတွင်းရှိ အသက် ၉၅နှစ်နှင့် အထက် အခမ်းအနားတက်ရောက်သည့် သက်ကြီးဘိုးဘွား (၁၀၆)ဦးတို့အား တစ်ဦးလျှင် ကန်တော့ ပစ္စည်းများနှင့် ငွေကျပ် နှစ်သောင်းစီကိုထောက်ပံ့လှူဒါန်းကြသည်။

 ယင်းနောက် တိုင်းဒေသကြီးသံယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဦးမျိုးသစ်က အခမ်းအနားသို့ တက်ရောက်ခြင်း မပြုနိုင်သော သက်ကြီးဘိုးဘွား (၃၀၈)ဦးတို့အတွက် အိမ်အရောက် ထောက်ပံ့နိုင်ရန် အလှူငွေများကို ပေးအပ်ရာ သက်ဆိုင်ရာမြို့နယ် အသီးသီးမှ အုပ်ချုပ်ရေးမှူးများက လက်ခံခဲ့ကြသည်။

 “သက်ကြီးရွယ်အိုတွေဟာ တာဝန်ကျေပြီးတဲ့သူတွေပါ၊ မိသားစုအပေါ်တာဝန်ကျေတာနဲ့ နိုင်ငံ့ ၀န်ထမ်းလုပ်ခဲ့ရင်နိုင်ငံ့တာဝန်ကျေခဲ့တာပါ၊ တာဝန်ကျေ ခဲ့တဲ့လူကြီးတွေကို လူမှုဘ၀လုံခြုံမှုအတွက် ပြန်စောင့်ရှောက်ပေးရတာ လူမှုရေးတာဝန်ကျေပွန်တယ် လို့ထင်ပါတယ်၊ လူကြီးတွေကို စောင့်ရှောက်ဖို့ အတွက် အသိလေးနဲ့ ရှေ့ဆက်ပြီး လူ့အဖွဲ့အစည်းအတွက်၊ နိုင်ငံ အတွက် ကောင်းမွန်တဲ့ အစဉ်အလာကို ထိန်းသိမ်းတာပေါ့၊ အစိုးရမှာလည်း တာဝန်ရှိ ပါတယ်၊ နောင်မျိုးဆက်ကလည်း ဒါကိုဆက်စောင့်ရှောက် ပေးစေချင်တယ်၊ လူကြီးတွေက သူတို့အတွေ့အကြုံ တွေကို ကျွန်တော်တို့ကိုဝေငှရင်းနဲ့ တိုင်းပြည်အတွက် ကောင်းရာကောင်းကြောင်းတွေ ကိုလုပ်နိုင်ပါတယ်” ဟု  ၀န်ကြီးချုပ်က ဘိုးဘွားများ ထောက်ပံ့ ပေးခြင်းနှင့် ပတ်သက်၍ မီဒီယာများအား ပြောသည်။

 ယနေ့ အခမ်းအနားတွင် မန္တလေးတိုင်း ဒေသကြီးအစိုးရအဖွဲ့၏ ဦးဆောင်မှုဖြင့် ဘိုးဘွား (၄၁၄) ဦးအတွက် တစ်ဦးလျင် ငွေနှစ်သောင်းကျပ်စီ ဖြင့် ရှစ်ဆယ်နှစ်သိန်းရှစ်သောင်းကျပ်ကို လည်းကောင်း၊ United Pacific Co.,Ltdက ဘိုးဘွား(၁၀၆)ဦးအတွက် တစ်ဦးလျှင် တစ်သောင်း တစ်ထောင်  ငါးရာကျပ်၊ အစားအသောက်များနှင့် အသုံးအဆောင်ပစ္စည်းများကိုလည်းကောင်း၊ ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာနက ရေချိုးတဘတ်၊ လုံချည်တို့ကိုလည်းကောင်းပါဝင် လှူဒါန်းခဲ့ကြသည်။

 ထို့ပြင် တိုင်းဒေသကြီးအစိုးရဘတ်ဂျက်မှ မန္တလေးတိုင်းဒေသကြီးအတွင်းရှိ အဘိုး အဘွား ၂၀၆၈ဦး အတွက် တစ်ဦးလျှင် ငွေကျပ် တစ်သောင်း ငါးထောင်ကျပ်ကိုလည်း သီးသန့်ထောက်ပံ့ပေးရန် စီစဉ်ဆောင်ရွက်လျက်ရှိသည်။