၂၀၁၉ ခုနှစ်၊ နိုဝင်ဘာလ ၅ ရက်

 တရုတ်ပြည်သူ့သမ္မတနိုင်ငံ China Science and Technology Museum ၏ အထောက်အပံ့ဖြင့် မန္တလေးတက္ကသိုလ်၊ မန္တလေးတိုင်းဒေသကြီး ကိုယ်ပိုင်ကျောင်းများအသင်းနှင့် မန္တလေး မြို့မိမြို့ဖတို့ ပူးပေါင်းဖွင့်လှစ်သည့် သိပ္ပံနှင့်နည်းပညာပြတိုက်ဖွင့်ပွဲကို နိုဝင်ဘာ ၅ ရက် နံနက် ၉ နာရီက မန္တလေးတက္ကသိုလ် ရာဇတ်ခန်းမတွင် ကျင်းပသည်။

 ရှေးဦးစွာ သိပ္ပံနှင့်နည်းပညာပြတိုက်ကို မန္တလေးတိုင်းဒေသကြီးလွှတ်တော်ဒုတိယဥက္ကဋ္ဌ၊ တိုင်းဒေသကြီးအစိုးရအဖွဲ့ဝင်ဝန်ကြီးများ၊ မန္တလေး အခြေစိုက် တရုတ်ကောင်စစ်ဝန်ချုပ်ရုံးမှ ကောင်စစ်ဝန်ချုပ်၊ အဆင့်မြင့်ပညာဦးစီးဌာနမှ ညွှန်ကြားရေးမှူးချုပ်နှင့် တာဝန်ရှိသူများက ဖဲကြိုးဖြတ် ဖွင့်လှစ်ပေးသည်။

 ထို့နောက် ရာဇတ်ခန်းမ၌ ဆက်လက်ကျင်းပရာ စိုက်ပျိ်ုးရေး၊ မွေးမြူရေးနှင့်ဆည်မြောင်းဝန်ကြီး ဒေါက်တာ စိုးသန်းက အဖွင့်အမှာစကားပြောကြားပြီး ကောင်စစ်ဝန်ချုပ် မစ္စတာ ဝမ်ကျုံးရင်၊ China Science and Technology Museum –CSTM မှ မစ္စတာ Meng Qinghai၊ ညွှန်ကြားရေးမှူးချုပ် ဒေါက်တာသိန်းဝင်းတို့ သိပ္ပံနည်းပညာပြတိုက်နှင့်ပတ်သက်၍ အသီးသီးပြောကြားခဲ့သည်။

 ဆက်လက်၍ လွှတ်တော်ဒုတိယဥက္ကဋ္ဌ၊ အစိုးရအဖွဲ့ဝင်ဝန်ကြီးများနှင့် တာဝန်ရှိသူများက သိပ္ပံနှင့်နည်းပညာပြတိုက်ဖြစ်မြောက်ရေးအတွက် အခြေခံပညာတွင် မသိမဖြစ်သင်ကြားရသော အခြေခံသိပ္ပံပညာရပ်များနှင့် အသုံးပြုခြင်း၊ အသုံးချခြင်းအကြောင်းအရာများကို အမျိုးအစားစုံလင်စွာ ခင်းကျင်းပြသထားပြီး ပြကွက်များကို လေ့လာခြင်းအားဖြင့် ကျောင်းသား၊ ကျောင်းသူများ မိမိတို့လေ့လာသင်ကြားခဲ့ရသော သင်ခန်းစာများနှင့် ချိတ်ဆက်စဉ်းစားကာ အသိပညာ၊ ဗဟုသုတများတိုးပွားနိုင်မည်ဖြစ်သလို တီထွင်ဖန်တီးနိုင်မှု စွမ်းရည်များလည်း တိုးတက်လာမည်ဖြစ်သည်။

 ၂၀၁၇ ခုနှစ် နိုဝင်ဘာလတွင် မြန်မာနိုင်ငံမှ ကိုယ်စားလှယ်အဖွဲ့သည် တရုတ်နိုင်ငံပေကျင်းမြို့တွင် ကျင်းပပြုလုပ်သော First International Symposium on the development of Natural Science Museum unter the Belt and Road Initiative (BRISMIS) သို့ တက်ရောက်ခဲ့ကြပြီး တရုတ်သိပ္ပံနှင့်နည်းပညာပြတိုက် China Science and Technology Museum နှင့် သဘောတူညီစာချုပ်ကို လက်မှတ်ရေးထိုးခဲ့ကြကြောင်း၊ အဆိုပါ သဘောတူညီချက်အရ China Science and Technology Museum မှ မြန်မာနိုင်ငံသို့ ရွေ့လျားသိပ္ပံနှင့်နည်းပညာပြတိုက်တစ်ခု လှူဒါန်းမည်ဖြစ်ပြီး လိုအပ်သော နည်းပညာအကူအညီများကိုလည်း ပံ့ပိုးကူညီပေးသွားမည်ဖြစ်သည်။

 ပညာရေးဝန်ကြီးဌာန၏ခွင့်ပြုချက်ဖြင့် မြန်မာနိုင်ငံ၏ပထမဆုံးသော သိပ္ပံနှင့်နည်းပညာပြတိုက်ကို ၂၀၁၈ ခုနှစ် ဇွန်လ ၁၄ ရက်တွင် အထက(၆) နေပြည်တော်၌ ဖွင့်လှစ်နိုင်ခဲ့ပြီး ၂၀၁၉ ခုနှစ် နိုဝင်ဘာ ၅ ရက်တွင် မန္တလေးတက္ကသိုလ် ရာဇတ်ခန်းမတွင် ရွှေ့ပြောင်းဖွင့်လှစ်နိုင်ခဲ့ပြီဖြစ်သည်။

 သိပ္ပံနှင့်နည်းပညာပြတိုက်ဖွင့်ပွဲသို့ မန္တလေးတိုင်းဒေသကြီးလွှတ်တော် ဒုတိယဥက္ကဋ္ဌ ဒေါက်တာခင်မောင်ဌေး၊ မန္တလေးတိုင်းဒေသကြီး အစိုးရအဖွဲ့ဝင်ဝန်ကြီးများဖြစ်ကြသည့် ဒေါက်တာစိုးသန်း၊ ဦးမျိုးသစ်၊ ဦးအောင်ကြည်၊ လွှတ်တော်အသီးသီးမှကိုယ်စားလှယ်များ၊ မန္တလေး အခြေစိုက် တရုတ်ကောင်စစ်ဝန်ချုပ်ရုံးမှ ကောင်စစ်ဝန်ချုပ် မစ္စတာ ဝမ်ကျုံးရင်၊ အဆင့်မြင့်ပညာဦးစီးဌာန ညွှန်ကြားရေးမှူးချုပ် ဒေါက်တာသိန်းဝင်း၊ မန္တလေးတက္ကသိုလ် ပါမောက္ခချုပ် ဒေါက်တာသီတာဝင်းနှင့် ဌာနအသီးသီးမှ တာဝန်ရှိသူများ၊ ကျောင်းသား၊ ကျောင်းသူများ၊ မြို့မိမြို့ဖများနှင့် ဖိတ်ကြားထားသူများ တက်ရောက်ခဲ့ကြသည်။