၂ဝ၁၉ ခုနှစ်၊ သြဂုတ်လ ၂၆ ရက်

 မန္တလေးမြို့တော်စည်ပင်သာယာရေးကော်မတီသည် မြို့တော်အတွင်းအမှိုက်ကင်းစင်ရေးနှင့် စည်းကမ်းမဲ့အမှိုက်စွန့်ပစ်မှုများမရှိစေရေးအတွက် ပြည်သူ လူထုပူးပေါင်းပါဝင်သော အမှိုက်သိမ်းဆည်းစွန့်ပစ်ခြင်းစနစ်ကို အကောင်အထည်ဖော်ဆောင်ရွက်လျက်ရှိသည့်အပြင် အမှိုက်များကိုခွဲခြားစွန့်ပစ်ခြင်း၊ အမှိုက်ကိုစနစ်တကျထုတ်ပိုး၍ စွန့်ပစ်ခြင်းစသည့်အလေ့အထကောင်းများဖြစ်ထွန်းပေါ်ပေါက်လာစေရန် ရည်ရွယ်ချက်များဖြင့် တနင်္ဂနွေနေ့ကို မြို့တော် သန့်ရှင်းရေးနေ့အဖြစ် သတ်မှတ်ကာ မြို့တော်၏သမိုင်းဝင်အထင်ကရနေရာများ၊ နိုင်ငံခြားသားများဝင်ရောက်လေ့လာသောနေရာများ၊ ပညာရေးနှင့် သက်ဆိုင်သော တက္ကသိုလ်များ၊ ကျောင်းများ၊မြို့ဝင်၊ မြို့ထွက်နေရာများ၊ မီးရထားသံလမ်းတစ်လျောက်နှင့် ဘူတာရုံ၊ ရှေးဟောင်းယဉ်ကျေးမှုနယ်မြေ များနှင့် ဈေးများပတ်ဝန်းကျင်တို့တွင် စုပေါင်းအမှိုက်ကောက်ပွဲများကို မြို့နယ်အလိုက် စဉ်ဆက်မပြတ် ဆောင်ရွက်လျက်ရှိသည်။

 ထိုသို့ဆောင်ရွက်ရာတွင် ၂ဝ၁၉ခုနှစ်၊ သြဂုတ်လ ၂၆ ရက်နေ့ နံနက် ၆ နာရီခွဲက မန္တလေး၊ပြည်ကြီးတံခွန်မြို့နယ်၊ (စ)ရပ်ကွက် မန္တလာတံခွန်ပန်းခြံ အတွင်း၊ အပြင်နှင့် ၅၆ လမ်းနှင့် ၅၇ လမ်းကြား၊ ဘုရင့်နောင်လမ်းနှင့် အောင်ဆန်းလမ်းကြားတို့တွင် စုပေါင်းအမှိုက်ကောက်ပွဲဆောင်ရွက်ကြရာ မန္တလေးမြို့တော်ဝန်၊ စည်ပင်သာယာရေးဝန်ကြီးဌာန၊ ဝန်ကြီး ဒေါက်တာရဲလွင်၊ တိုင်းဒေသကြီးလွှတ်တော်ကိုယ်စားလှယ်များဖြစ်ကြသည့် ဦးခင်မောင်မောင်၊ ဒေါက်တာ ချစ်ကိုကို၊ မန္တလေးမြို့တော်စည်ပင်သာယာရေးကော်မတီ ဒုတိယဥက္ကဋ္ဌ ဒုတိယမြို့တော်ဝန် ဦးရဲမွန်၊ ကော်မတီဝင်များနှင့် ဌာနမှူးများ၊ မြို့နယ်စည်ပင်သာယာရေး အုပ်ချုပ်ရေးမှူးများနှင့် ဝန်ထမ်းများ၊ ပတ်ဝန်းကျင်စိမ်းလန်းစိုပြည်ရေးဦးစီးဌာနမှ ဝန်ထမ်းများ၊ အမျိုးသမီးကော်မတီဝင်များ၊ အမှတ်(၂၃)အခြေခံပညာ အလယ်တန်းကျောင်းနှင့် ပုဂ္ဂလိကကျောင်းနှစ်ကျောင်းမှ ဆရာ၊ ဆရာမများနှင့် ကျောင်းသား၊ကျောင်းသူများ၊ ပရဟိတလူမှုရေးအသင်းအဖွဲ့များ၊ ရပ်ကွက် အုပ်ချုပ်ရေးမှူးများနှင့် အဖွဲ့ဝင်များ၊ စုစုပေါင်းအဖွဲ့ ၁၃ ခုမှ အင်အား ၄၂၅ ဦး တက်ရောက်ကြပြီး အမှိုက်ကောက်ပွဲကို တပျော်တပါး ပါဝင်ဆင်နွဲကြကာ အမှိုက်သိမ်းယာဉ်ပေါ်သို့ စနစ်တကျ စွန့်ပစ်ကြသည်။

 အမှိုက်ကောက်ပွဲ ပါဝင်ဆင်နွဲကြသူများအား အမှိုက်သိမ်းအိတ်၊ လက်အိတ်များကို မန္တလေးဟိုတယ်ဇုန်လုပ်ငန်းရှင်အသင်းက ကူညီပံ့ပိုးပေးသည်။

 “အမှိုက်နဲ့ပတ်သက်ပြီး စည်ကမ်းရှိစေချင်လို့ တနင်္ဂနွေနေ့တွေမှာ အမှိုက်ကောက်နေတာ တစ်နှစ်ခွဲရှိပါပြီ။ အမှိုက်ကောက်ရင်း ကောက်တဲ့နေရာရဲ့ လိုအပ်ချက်တွေကို ကော်မတီဝင်တွေ၊ ရပ်ကွက်အုပ်ချုပ်ရေးမှူးတွေ၊ မြို့တော်စည်ပင်ဌာနမှူးတွေနဲ့ အမြဲတိုင်ပင်ဖြစ်ပါတယ်။ တိုင်းဒေသကြီးလွှတ်တော် ကိုယ်စားလှယ်တွေနဲ့လည်း မြို့နယ်အနာဂတ်အတွက် ဆွေးနွေးတိုင်ပင်ဖြစ်ပါတယ်။ ဒီနေ့လည်း နိုင်လွန်ကတ္တရာလမ်းသစ်ခင်းထားတဲ့ အောင်ဆန်းလမ်း ပခုံးကို Stabilized Soil နဲ့လုပ်ပေးဖို့နဲ့ လမ်းဟောင်းတစ်လမ်းရဲ့ ပျက်စီးတဲ့အပိုင်းကို ချက်ချင်းပြင်ဆင်ပေးဖို့ ဆောင်ရွက်ပေးနိုင်ခဲ့ပါတယ်” ဟု မြို့တော်ဝန်ကပြောကြားသည်။