၂ဝ၁၉ ခုနှစ်၊ စက်တင်ဘာလ ၂ ရက်

 မန္တလေးမြို့တော်စည်ပင်သာယာရေးကော်မတီသည် မိုးရာသီကာလအတွင်း ပန်းဥယျာဉ်နှင့် ကစားကွင်းများဌာန အစီအစဉ်ဖြင့်လည်းကောင်း၊ မြိုံ့နယ် အလိုက်လွှတ်တော်ကိုယ်စားများ၊ မြို့တော်စည်ပင်ဝန်ထမ်း၊ အုပ်ချုပ်ရေးနှင့် ဌာနဆိုင်ရာဝန်ထမ်းများ၊ အရပ်ဘက်အဖွဲ့အစည်းများစုပေါင်း၍ မိုးရာသီ စုပေါင်းသစ်ပင်စိုက်ပျိုးပွဲကိုလည်းကောင်း မြို့တော်စိမ်းလန်းစိုပြေရေးအတွက် စဉ်ဆက်မပြတ်ဆောင်ရွက်လျက်ရှိသည်။

 မြို့တော်စည်ပင်သာယာနယ်နိမိတ် (၆)မြို့နယ်အတွင်း ဌာနအစီအစဉ်ဖြင့် အရိပ်ရပင်နှင့်ပန်းအလှပင်များကို ဝန်ထမ်းများက နေ့စဉ်စိုက်ပျိုးလျက်ရှိရာ သြဂုတ် ၃ဝ ရက်နေ့ အောင်မြေသာစံမြို့နယ်တွင် ၂၆ဝဝပင်၊ ချမ်းအေးသာစံမြို့နယ်တွင် ၁ဝ၅၆ပင်၊ မဟာအောင်မြေမြို့နယ်တွင် ၂၅ဝဝပင်၊ ချမ်းမြသာစည် မြို့နယ်တွင် ၃၁ဝ၉ပင်၊ ပြည်ကြီးတံခွန်မြို့နယ်တွင် ၃၁၄၆ပင်နှင့် အမရပူရမြို့နယ်တွင် ၂၆၅ဝပင်၊ စုစုပေါင်း ၁၅ဝ၆၁ ပင် စိုက်ပျိုးနိုင်ခဲ့သည်။

 မိုးရာသီ စုပေါင်းသစ်ပင်စိုက်ပျိုးပွဲများကို ပြည်သူများအား ပညာပေးအနေဖြင့် ဆောင်ရွက်နေခြင်းဖြစ်သည့်အပြင် စေတနာရှင်ပြည်သူများကလည်း ပူးပေါင် ပါဝင်လျက်ရှိပြီး ပျိုးပင်များဝယ်ယူရန်အတွက်လည်း လှူဒါန်းလျက်ရှိသည်။

 ၂ဝ၁၉ ခုနှစ်၊ စက်တင်ဘာလ ၂ ရက်နေ့၊ နံနက် ၈ နာရီက အမရပူရမြို့နယ်၊ တောင်သမန်ကန်ပတ်လည်လမ်း(အရှေ့ခြမ်း)၊ ရတနာပုံတက္ကသိုလ်အထိ မိုးရာသီစုပေါင်းသစ်ပင်စိုက်ပျိုးပွဲကို ကျင်းပရာ မန္တလေးမြို့တော်ဝန်၊ စည်ပင်သာယာရေးဝန်ကြီးဌာန ဒေါက်တာရဲလွင် တက်ရောက်ပါဝင်၍ သစ်ပင်စိုက်ပျိုး ပေးသည်။

 သစ်ပင်စိုက်ပျိုးပွဲသို့ မန္တလေးမြို့တော်စည်ပင်သာယာရေးကော်မတီ ဒုတိယဥက္ကဋ္ဌ၊ ဒုတိယ မြို့တော်ဝန် ဦးရဲမွန်၊ အတွင်းရေးမှူး ဦးအောင်ကျော်ထွန်းနှင့် ကော်မတီဝင်များ၊ ဌာနမှူးများ၊ အမရမြို့နယ်အုပ်ချုပ်ရေးမှူး ဦးဖေသက်ထွန်း၊ မြို့နယ်စည်ပင်သာယာအုပ်ချုပ်ရေးမှူးနှင့် မြို့တော်စည်ပင်ဝန်ထမ်များ၊ မန္တလေးမြန်မာအမျိုးသမီးစီးပွားရေးလုပ်ငန်းရှင်များအသင်း ဥက္ကဋ္ဌ ဒေါ်ခင်လေးမြင့်နှင့် အသင်းဝင် ၃၈ ဦးတို့တက်ရောက်ကြသည်။

 အစီအစဉ်အရ မြို့တော်ဝန်နှင့်တာဝန်ရှိသူများသည် သတ်မှတ်နေရာအသီးသီးတွင် သစ်ပင်များစိုက်ပျိုးပေးကြပြီး စုပေါင်းသစ်ပင်စိုက်ပျိုးနေမှုကို လှည့်လည်ကြည့်ရှုစစ်ဆေးခဲ့သည်။ ၂ဝ၁၉ ခုနှစ်၊ စက်တင်ဘာလ ၂ ရက်နေ့  ကျင်းပသော မိုးရာသီစုပေါင်းသစ်ပင်စိုက်ပျိုးပွဲတွင် မန္တလေးမြန်မာအမျိုးသမီး စီးပွားရေးလုပ်ငန်းရှင်များအသင်းက စင်ကာပူချယ်ရီ ၂ဝ ပင်၊ ငုဝါပင် ၃ဝ ပင်၊ ဝါးပင် ၁ဝ ဝပင် ပါဝင်လှူဒါန်းခဲ့ပြီး ဌာနမှ စိန်ပန်းနီပင် ၅ဝ ပင်၊ မယ်ဇယ်ပင် ၅ဝ ပင် စုစုပေါင်း အရိပ်ရပင်နှင့်ပန်းအလှပင် ၂၅ဝ ပင်ကို စိုက်ပျိုးခဲ့ကြသည်။

 မန္တလေးမြို့တော်စည်ပင်သာယာရေးကော်မတီအနေဖြင့် မြို့တော်စိမ်းလန်းစိုပြေစေရေး (Green City) ဖြစ်စေရေးရည်မှန်းချက်ဆောင်ရွက်လျက်ရှိရာ ယမန်နှစ်က အရိပ်ရပင်နှင့် ပန်းအလှပင် စုစုပေါင်း ၂၄ဝဝဝ ပင်ကို စိုက်ပျိုးနိုင်ခဲ့ကြောင်း ပန်းဥယျာဉ်နှင့် ကစားကွင်းများဌာန၏ စာရင်းအရသိရသည်။