၂၀၁၉ ခုနှစ်၊ အောက်တိုဘာလ ၃၁ ရက်

 မန္တလေးမြို့တော်စည်ပင်သာယာရေးကော်မတီမှ ရေနီမြောင်းမြေနေရာတွင် ရေစီးရေလာကောင်းမွန်စေရန် အဆင့်မြှင့်တင်သွားမည်ဖြစ်ကြောင်း မန္တလေးမြို့တော်ဝန် ဒေါက်တာရဲလွင်က ပြောသည်။

 တစ်ချိန်က လယ်ရေပေးရေးမြောင်းဖြစ်ခဲ့တဲ့ ရေနီမြောင်းကို ခေတ်နှင့်လိုက်လျောညီထွေဖြစ်ဖို့ ၂၆ လမ်းနှင့် ၃၅ လမ်းကြားကို မကြာခင် နိုင်လွန်ကတ္တရာလမ်းသစ် တစ်လမ်းထပ်ဖောက်နိုင်ဖို့ ကွင်းဆင်းစစ်ဆေးခဲ့ကြတယ်၊ ဆည်ရေတွေစီးဝင်တဲ့ လမ်း ၂၀ ထိပ်က ရေတံခါးကို ယာယီပိတ်ထားပြီး လုပ်ငန်းများဆောင်ရွက်သွားမှာပါ၊ မိုးရေတွေကို ၂၈ လမ်းနေရာတွင် နဒီမြောင်းအတွင်း စီးဝင်စေပြီး ၇၁ လမ်းနဲ့ ၃၅ လမ်းမှာ ရှိတဲ့ ငွေတစ်ချောင်းအတွင်း စီးဆင်းနိုင်အောင် ၃၅ လမ်းတစ်လျှောက် Precast Drai အသစ်ကို အရင်တည်ဆောက်သွားမှာပါလို့ မြို့တော်ဝန်က ပြောကြားသည်။

 ရေနီမြောင်းနေရာကို နိုင်လွန်လမ်းသစ် တစ်လမ်းထပ်ဖောက်နိုင်ရန် မန္တလေးမြို့တော်ဝန် စည်ပင်သာယာရေးဝန်ကြီးဌာန ဝန်ကြီး ဒေါက်တာ ရဲလွင်နှင့် မန္တလေးမြို့တော်စည်ပင်သာယာရေးကော်မတီ ဒုတိယဥက္ကဋ္ဌ ဒုတိယမြို့တော်ဝန် ဦးရဲမွန်၊ ကော်မတီဝင်များနှင့် လမ်းတံတားဌာန ဌာနမှူး ဦးသန်းထိုက်ဦးနှင့် အင်ဂျင်နီယာများလိုက်ပါ၍ ရေနီမြောင်းတစ်လျှောက် ကွင်းဆင်းစစ်ဆေးကြသည်။

 ရပ်ကွက်အတွင်းရှိ ကြားလမ်းတွေမှာလည်း နီးစပ်ရာမြောင်းအတွင်း စီးဆင်းနိုင်မည့် အခြေအနေများအား ဌာနအင်ဂျင်နီယာများ ပူးပေါင်းအဖွဲ့ကို Survey ဆင်းခိုင်းထားတယ်၊ မိုးရွာချိန် မိုးရေတွေစီးဆင်းနိုင်ဖို့ လမ်းဘေး ဝဲ၊ ယာ precast မြောင်းတွေနဲ့အတူ ပလက်ဖောင်းတွေ၊ လမ်းမီးတိုင် အသစ်တွေ တည်ဆောက်ပေးသွားပါလို့ မြို့တော်ဝန်က ဆက်လက် ပြောကြားသည်။

 လမ်းမနှစ်ခုဆုံတဲ့နေရာတွေမှာ Individual Loop Sensor သုံးမီးပွိုင့်များ တပ်ဆင်ပေးသွားမယ်၊ သိပ္ပံလမ်းတောင်ဘက်က ရေနီမြောင်းကိုလည်း ပြည်သူတွေအသုံးတည့်မယ့် စီမံချက်တစ်ခု ဖော်ဆောင်သွားမှာပါဟု မြို့တော်ဝန်က ပြောသည်။

 မဟာအောင်မြေမြို့နယ်အတွင်းရှိ ယခင်ရေနီမြောင်းအတွင်းရှိ ယခင်ရေနီမြောင်းနေရာကို ၃၅ လမ်းမှ ၇၃ လမ်းအထိ လမ်းကို အခြေခံလွှာ ကျစ်လျစ်မှုရှိအောင် စက်ယန္တရားများဖြင့် Compaction ရအောင်ကြိတ်၍ Stabilized ခင်းပြီး နိုင်လွန်ကတ္တရာလမ်းခင်းခြင်း ဆောင်ရွက်ပြီးဖြစ် သည်။