၂၀၂၀ ခုနှစ်၊ ဇန်နဝါရီလ ၁၂ ရက်

 လွှတ်တော်၏ ဆောင်ရွက်ချက်များကို ပြည်သူလူထုအနေဖြင့် သိရှိစေရန်၊ ပြည်သူလူထု၏ လိုအပ်ချက်များ၊ ခံစားချက်များ၊ နစ်နာချက်များကိုသိရှိပြီး သက်ဆိုင်ရာဌာနဆိုင်ရာများနှင့် ပေါင်းစပ်ညှိနှိုင်းဆောင်ရွက်ပေးနိုင်ရန် စသည့်ရည်ရွယ်ချက်များဖြင့် လွှတ်တော်ကိုယ်စားလှယ်များနှင့် ပြည်သူလူထု တွေ့ဆုံပွဲကို ဇန်နဝါရီလ ၁၂ ရက် နံနက် ၁၀ နာရီက ချမ်းအေးသာစံမြို့နယ်၊ စိတ္တမဟီရပ်ကွက်၊ ၂၇ လမ်းနှင့် ၂၈ လမ်းကြား၊ ၇၅ လမ်းရှိ ဆုတောင်းရ ဘုရားဓမ္မာရုံတွင် ကျင်းပပြုပလုပ်သည်။

 ထိုသို့တွေဆုံရာတွင် အမျိုးသားဒီမိုကရေစီအဖွဲ့ချုပ် မြို့နယ်အလုပ်အမှုဆောင်အဖွဲ့ဥက္ကဋ္ဌ ဦးခင်မောင်သောင်းက အဖွင့်အမှာစကားပြောကြားပြီး မန္တလေးတိုင်းဒေသကြီးအစိုးရအဖွဲ့ဝင် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ဝန်ကြီး ဒေါက်တာစိုးသန်းက နှုတ်ခွန်းဆက်စကား ပြောကြားကာ မြို့နယ်လူဝင်မှုကြီးကြပ်ရေးနှင့် အမျိုးသားမှတ်ပုံတင်ရေးဦးစီးဌာနမှူး ဦးဝင်းမြင့်က ၂၀၁၉ ခုနှစ် ကြားဖြတ်လူဦးရေ သန်းခေါင်စာရင်း ကောက်ယူမှုလုပ်ငန်းများကို ရှင်းလင်းတင်ပြကြသည်။

 အလားတူ ယခင်တွေ့ဆုံ၌ ပြည်သူများ၏ တင်ပြချက်များအပေါ် ဌာနဆိုင်ရာများက ဆောင်ရွက်ပြီးစီးမှုကို ရှင်းလင်းတင်ပြပြီး တက်ရောက်လာသည့် ရပ်ကွက်အသီးသီးမှ ပြည်သူများက သက်ဆိုင်ရာရပ်ကွက်အလိုက် ဒေသလိုအပ်ချက်များနှင့် အခက်အခဲများကို ရှင်းလင်းတင်ပြခဲ့ရာ သက်ဆိုင်သည့် ဌာနဆိုင်ရာ တာဝန်ရှိသူများက ပြန်လည်ရှင်းလင်းဖြေကြား၍ လွှတ်တော်ကိုယ်စားလှယ်များက သက်ဆိုင်ရာ တာဝန်ရှိသူများနှင့် ပေါင်းစပ်ညှိနှိုင်း ဆောင်ရွက်ပေးသည်။

 ၎င်းနောက် ပြည်သူ့လွှတ်တော်ကိုယ်စားလှယ် ဦးမျိုးနိုင်က ပြည်ထောင်စုလွှတ်တော်ဖွံ့ဖြိုးရေးရန်ပုံငွေဖြင့် ဆောင်ရွက်မည့် ဒေသဖွံ့ဖြိုးရေးလုပ်ငန်း များအား ရှင်းလင်းပြောကြားပြီး နိဂုံးချုပ်စကားပြောကြားသည်။

 ယင်းတွေ့ဆုံပွဲသို့ တိုင်းဒေသကြီးအစိုးရအဖွဲ့ဝင် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ဝန်ကြီး၊ မန္တလေးမြို့တော်စည်ပင်သာယာရေး ကော်မတီဝင် ဦးကျော်ဇေယျ၊ မြို့နယ်အထွေထွေအုပ်ချုပ်ရေးဦးစီးဌာန ဒုတိယမြို့နယ်အုပ်ချုပ်ရေးမှူး ဦးရာဇာမြင့်၊ မြို့နယ်စည်ပင်သာယာအုပ်ချုပ်ရေးမှူး ဦးရဲကျော်စွာ၊ မြို့နယ်လူဝင်မှုကြီးကြပ်ရေးနှင့်အမျိုးသားမှတ်ပုံတင်ရေးဦးစီးဌာနမှူး ဦးဝင်းမြင့်နှင့် ဌာနဆိုင်ရာ တာဝန်ရှိသူများ၊ အမျိုးသားဒီမိုကရေစီ အဖွဲ့ချုပ်မှ တာဝန်ရှိသူများ၊ ချမ်းအေးသာစံမြို့နယ်အရှေ့ပိုင်း ၁၀ ရပ်ကွက်မှ ရပ်ကွက်အုပ်ချုပ်ရေးမှူးများနှင့် ပြည်သူများ တက်ရောက်ကြသည်။

 အလားတူ မွန်းလွဲ ၃ နာရီတွင် ချမ်းအေးသာစံမြို့နယ်၊ အောင်နန်းရိပ်သာအနောက်ရပ်ကွက်၊ ၃၁ လမ်း၊ ၈၅ လမ်းနှင့် ၈၆ လမ်းကြားရှိ မဟာသကျသီဟ ဘုရား ဝေဇယန္တာဗန္ဓုလဓမ္မာရုံတွင် မြို့နယ်အနောက်ဘက်ခြမ်း ၁၀ ရပ်ကွက်မှ ပြည်သူများနှင့် တွေ့ဆုံပွဲ ပြုလုပ်ခဲ့သည်။