၂၀၁၉ခုနှစ်၊ အောက်တိုဘာလ ၂၄ ရက်နေ့

 ဟိုတယ်ဧည့်ဝန်ဆောင်မှုလုပ်ငန်း သင်တန်းများဆင်းပွဲနှင့် သင်တန်းဆင်းများအတွက် အလုပ်အကိုင်ပြပွဲကို မန္တလေး၊ ၃၂ လမ်းနှင့် ၃၃ လမ်းကြားရှိ ဆာကူရာဟိုတယ်တွင် အောက်တိုဘာ ၂၄ ရက် မွန်းလွဲ ၂ နာရီက ကျင်းပပြုလုပ်သည်။

 ရှေးဦးစွာ မန္တလေးတိုင်းဒေသကြီးလွှတ်တော် ဒုတိယဥက္ကဋ္ဌ ဒေါက်တာခင်မောင်ဌေး၊ မန္တလေးတိုင်းဒေသကြီးအစိုးရအဖွဲ့၊ စီမံကိန်းနှင့် ဘဏ္ဍာရေးဝန်ကြီး ဦးမြတ်သူတို့က အမှာစကားပြောကြားကြသည်။

 ထို့နောက် မန္တလေးတိုင်းဒေသကြီးအစိုးရအဖွဲ့၊ စီမံကိန်းနှင့်ဘဏ္ဍာရေးဝန်ကြီးနှင့် တာဝန်ရှိသူများက သင်တန်းသား၊ သင်တန်းသူများအား သင်တန်းဆင်း လက်မှတ်များပေးအပ်ပြီး ဧည့်ဝန်ဆောင်မှုလုပ်ငန်း သင်တန်းများပို့ချရာတွင် မိတ်ဖက်အဖြစ် ပူးပေါင်းလုပ်ဆောင်လျက်ရှိသည့် မန္တလေးမြို့ ဟိုတယ်ရှစ်လုံးမှ တာဝန်ရှိသူများက ဂုဏ်ပြုမှတ်တမ်းလွှာများ ပေးအပ်ခဲ့သည်။

 ယင်းနောက် Swisscontact မှ မန်နေဂျာ မထက်ထက်ဦးက သင်တန်းဆင်း အမှာစကားပြောကြားသည်။ ဆက်လက်၍ တာဝန်ရှိသူများက သင်တန်းဆင်း များအတွက် အလုပ်အကိုင်ပြပွဲ ကျင်းပပေးနေမှုကို လှည့်လည်ကြည့်ရှုအားပေးသည်။

 အဆိုပါသင်တန်းအား ဟိုတယ်နှင့်ခရီးသွားလာရေးဝန်ကြီးဌာန ကြီးကြပ်မှုဖြင့် အသက်မွေးအတတ်ပညာ ဖွံ့ဖြိုးမှုအစီအစဉ်၏ ကဏ္ဍတစ်ခုအဖြစ် ဆွစ် ဖွံ့ဖြိုးမှုပူးပေါင်းဆောင်ရွက်ရေးအဖွဲ့မှ ရန်ပုံငွေထောက်ပံ့ကာ Swisscontact မှ အကောင်အထည်ဖော်ဆောင်ရွက်လျက်ရှိသည့် ဟိုတယ်လေ့ကျင့်ရေး ဆောင်ရွက်မှုလုပ်ငန်းစဉ်တစ်ခုဖြစ်ပြီး သင်တန်းသားများအား မိတ်ဖက်ဟိုတယ်များတွင် ဖွင့်လှစ်ခဲ့ကာ မန္တလေးမြို့၌ သင်တန်းသား စုစုပေါင်း ၆၅၇ ဦး လေ့ကျင့်သင်ကြားပေးခဲ့သည်။

 အခမ်းအနားသို့ ဌာနဆိုင်ရာတာဝန်ရှိသူများ၊ Swisscontact မှ တာဝန်ရှိသူများ၊ ဟိုတယ်အသီးသီးမှ အထွေထွေမန်နေဂျာ၊ သင်တန်းသား၊ သင်တန်းသူ များနှင့်ဖိတ်ကြားထားသော ဧည့်သည်တော်များ တက်ရောက်ကြသည်။