၂ဝ၂ဝ ခုနှစ်၊ ဇန်နဝါရီလ ၆ ရက်

 မြန်မာအာမခံလုပ်ငန်း မိတ္ထီလာခရိုင်ရုံး အဆောက်အအုံသစ်ဖွင့်ပွဲ အခမ်းအနားကို ၂ဝ၂ဝ ခုနှစ်၊ ဇန်နဝါရီလ ၆ ရက်နေ့ နံနက် ၉ နာရီက ကျင်းပပြုလုပ်ရာ စီမံကိန်း၊ဘဏ္ဍာရေးနှင့်စက်မှုဝန်ကြီးဌာန ဒုတိယဝန်ကြီး ဦးမောင်မောင်ဝင်းတက်ရောက်ဖွင့်လှစ်ပေးခဲ့သည်။

 ရှေးဦးစွာ မြန်မာအာမခံလုပ်ငန်း မိတ္ထီလာခရိုင်ရုံး အဆောက်အအုံသစ်ကို ဒုတိယဝန်ကြီး ဦးမောင်မောင်ဝင်း၊ မန္တလေးတိုင်းဒေသကြီးအစိုးရအဖွဲ့ စီမံကိန်းနှင့်ဘဏ္ဍာရေးဝန်ကြီး ဦးမြတ်သူ၊ အာမခံလုပ်ငန်းကြီးကြပ်ရေးအဖွဲ့ အတွင်းရေးမှူး ညွှန်ကြားရေးမှူးချုပ် ဦးဇော်နိုင်နှင့် မြန်မာအာမခံလုပ်ငန်း ဦးဆောင်ညွှန်ကြားရေးမှူး ဒေါက်တာစန္ဒာဦးတို့က ဖဲကြိုးဖြတ်ဖွင့်လှစ်ပေးခဲ့သည်။  

 အခမ်းအနားတွင် ဒုတိယဝန်ကြီးက မြန်မာအာမခံလုပ်ငန်း မိတ္ထီလာခရိုင်ရုံး အဆောက်အအုံသစ်ကို ရေရှည်တည်တံစေရန် ဝန်ထမ်းများက ထိန်းသိမ်း စောင့်ရှောက်ရန်လိုအပ်ကြောင်း၊ ရုံးအဆောက်အအုံသစ်ဆောက်လုပ်ရန် နိုင်ငံတော်မှဘတ်ဂျက်ခွင့်ပြုငွေများ ချထားပေးခဲ့သလို နိုင်ငံတော်၏ ဝင်ငွေများ တိုးတက်ရရှိစေရန်အတွက်လည်း ဝန်ထမ်းများက ကြိုးစားဆောင်ရွက်ကြရန်လိုကြောင်း၊ မြန်မာ့အာမခံလုပ်ငန်းသည် နိုင်ငံတော်ပိုင်တစ်ခုတည်းသော အာမခံလုပ်ငန်းဖြစ်ပြီး အခြားပုဂ္ဂလိကအာမခံများနည်းတူ ဝန်ဆောင်မှုများကို ဆောင်ရွက်ခဲ့ကြသည်။

 ဆက်လက်၍ မြန်မာအာမခံလုပ်ငန်း ဦးဆောင်ညွှန်ကြားရေးမှူး ဒေါက်တာစန္ဒာဦးက မြန်မာအာမခံလုပ်ငန်း လက်ရှိဆောင်ရွက်ပေးနေသော အာမခံလုပ်ငန်းများအကြောင်းရှင်းလင်း ပြောကြားခဲ့သည်။ မြန်မာအာမခံလုပ်ငန်း မိတ္ထီလာခရိုင်ရုံးအဆောက်အအုံသစ်မှာ အလျား ၄၅ ပေ၊ အနံ ၄၁ ပေ၊ အမြင့် ၂၄ ပေ၊ RC နှစ်ထပ်ဖြစ်ပြီး ၂ဝ၁၈-၂ဝ၁၉ခု၊ ဘဏ္ဍာရေးနှစ် ငွေလုံးငွေရင်းသန်းဖြင့် ခွင့်ပြုငွေကျပ် ၈၆ ဒသမ ၄၁ဝ သန်းအနက်မှ ငွေကျပ် ၈၃ ဒသမ ၅ သန်းဖြင့် ဆောက်လုပ်ခဲ့ခြင်းဖြစ်သည်။