၂ဝ၂ဝပြည့်နှစ်၊ အောက်တိုဘာလ ၁၅ ရက်နေ့

မန္တလေးတိုင်းဒေသကြီးအတွင်း ကိုဗစ်-၁၉ ရောဂါပိုး ကူးစက်သူများ ပိုမိုများလာပါက လုပ်ဆောင်သင့်သည်များကို ကြိုတင်တွက်ဆ၍ ယခု ကတည်းက စနစ်တကျ ပြင်ဆင်ထားကြရမည်ဖြစ်ပြီး အားလုံးစိတ်ရောကိုယ်ပါ ကူညီဆောင်ရွက်ကြရန်လိုကြောင်း မန္တလေးတိုင်းဒေသကြီး COVID-19 ထိန်းချုပ်ရေးနှင့်အရေးပေါ်တုံ့ပြန်ရေးကော်မတီဥက္ကဋ္ဌ ဝန်ကြီးချုပ် ဒေါက်တာဇော်မြင့်မောင်က ပြောကြားခဲ့သည်။

 မန္တလေးတိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် အောက်တိုဘာလ ၁၅ ရက်နေ့ နံနက်ပိုင်းက ပြုလုပ်သည့် ခရိုင်နှင့်မြို့နယ်များ၌ ကိုဗစ်-၁၉ ရောဂါကာကွယ်ထိန်းချုပ်ရေးဆောင်ရွက်နေမှုများနှင့်ပတ်သက်၍ လုပ်ငန်းညှိနှိုင်းအစည်းအဝေး၌ တိုင်းဒေသကြီးဝန်ကြီးချုပ်က ယင်းသို့ ပြောကြားခဲ့ခြင်းဖြစ်သည်။

 “အဓိကတော့ ကိုဗစ်-၁၉ရောဂါကို ကောင်းကောင်းမွန်ထိန်းချုပ်ချင်တာပါ၊ လက်ရှိအခြေအနေမှာ မန္တလေးတိုင်းမှာထိန်းချုပ်နိုင်တယ်လို့ယူဆ နိုင်ပါတယ်၊ မန္တလေးမှာစတွေ့ပြီးနောက် တအားကြီးတက်သွားတာမျိုးမရှိပါဘူး၊ ဖြစ်တဲ့နေရာတွေကို ကန့်သတ်တာရယ်၊ Quarantine Center တွေထားတာရယ်၊ အားလုံးပူးပေါင်းဆောင်ရွက်ကြလုိ့ ရလဒ်ကောင်းလာ တယ်လို့ယူဆထားပါတယ်၊ ဒါကိုဆက်ပြီးထိန်းချင်ပါတယ်၊ Swab ယူတဲ့အခါ အဆင်ပြေဖို့ ကားတွေလည်းပို့ပေးထားပြီးပြီ၊ Quarantine Center တွေများနေတော့ အားသာချက်တွေရှိသလို အားနည်းချက်လည်း ရှိပါတယ်၊ မြန်မြန်စစ်စေချင်တယ်၊ ပိုးတွေ့ရင်မြန်မြန်ဆေးရုံတင်ချင်တယ်၊ မြန်မြန်ဆင်းစေချင်တယ်၊မြန်ဆန်ပြီးထိရောက်မှုလည်းရှိရမယ်၊ အကယ်၍ ရန်ကုန်ပြီးလို့ မန္တလေးမှာများလာမယ်ဆိုရင်လုပ်ရမယ့် အလုပ်တွေအများကြီးရှိပါတယ်၊ အဲဒါတွေအထိ မဖြစ်ရအောင် ပြင်ဆင်ထားသင့်တယ်၊ လိုအပ်ရင်လိုအပ်သလို Quarantine စင်တာတွေတိုးချဲ့ထားသွားပါမယ်၊ အားလုံးစိတ်ရောကိုယ်ပါ အားလုံးစိတ်ရောကိုယ်ပါ အားတက်သရော”ဟု  ဝန်ကြီးချုပ်က ပြောကြားခဲ့သည်။

 အဆိုပါ အစည်းအဝေးတွင် မန္တလေးတိုင်းဒေသကြီး COVID-19 ထိန်းချုပ်ရေးနှင့်အရေးပေါ်တုံ့ပြန်ရေးကော်မတီအတွင်းရေးမှူး ဗိုလ်မှူးကြီး ကျော်ကျော်မင်း၊ တိုင်းဒေသကြီးကုသရေးနှင့်ပြည်သူ့ကျန်းမာရေးဦးစီးဌာန၊ တိုင်းဒေသကြီးဦးစီးမှူး ဒေါက်တာသန်းသန်းမြင့်၊ ခရိုင်အုပ်ချုပ်ရေးမှူး များနှင့် ခရိုင်ကျန်းမာရေးဦးစီးဌာနမှူးများက ကိုဗစ်-၁၉ရောဂါ ကာကွယ်ထိန်းချုပ်ကုသရေးနှင့်ပတ်သက်၍  မိမိတို့သက်ဆိုင်ရာကဏ္ဍအလိုက် ဆောင်ရွက်နေမှုများကို ရှင်းလင်းဆွေးနွေးခဲ့ကြသည်။

 ယင်းနောက် အစိုးရအဖွဲ့ဝင်ဝန်ကြီးများနှင့် တက်ရောက်လာကြသူများက ကိုဗစ်-၁၉ရောဂါကာကွယ်တာဆီးရေးနှင့်ပတ်သက်၍ လက်တွေ့ ဆောင်ရွက်ရာတွင် ကြုံတွေ့နေရသောအခက်အခဲများ၊ ထုတ်ပြန်ထားသည့်စည်းကမ်းများကို တိတိကျကျဆောင်ရွက်ရေးနှင့် မလိုက်နာသူများအား ထိရောက်စွာ အရေးယူဆောင်ရွက်ခြင်းဆိုင်ရာများ၊ Quarantine စင်တာနှင့် ဆေးရုံများတွင် ကျန်းမာရေးစောင့် ရှောက်မှုလုပ်ငန်းများ ဆောင်ရွက် နေမှုများ၊ ကူးစက်ခံရသည့် ဌာနဆိုင်ရာဝန်ထမ်းများရှိလာပါက ကျန်းမာရေးစောင့်ရှောက်မှုပေးနိုင်ရန် အစီအစဉ်များ၊ ကုန်တင်ယာဉ်မောင်းနှင့် ယာဉ်နောက်လိုက်များအား Swab နမူနာယူရာတွင် စနစ်တကျဆောင်ရွက်နိုင်ရန်နှင့် အချိန်နှင့်တပြေးညီပြီးစီးနိုင်ရန်အစီအစဉ်များ၊ မြို့ဝင်စစ်ဆေး ဂိတ်များတွင် လျှပ်စစ်ဓာတ်အားပြတ်တောက်မှု မရှိစေရေးအတွက် အစီအစဉ်များ၊ ကိုဗစ်-၁၉ ရောဂါကူးစက်ပြန့်ပွားမှုများရာ ဒေသများမှ  ပြန်လာသူများ မန္တလေးတိုင်းဒေသကြီးအတွင်းသို့ မသမာသည့်နည်းလမ်းဖြင့် ဝင်ရောက်လာမှုမရှိစေရေးအတွက် စစ်ဆေးဆောင်ရွက်မှုများကို ပိုမိုတိုးမြှင့်၍ ထိရောက်စွာ ဆောင်ရွက်သွားရေး အစီအစဉ်များကို အသေးစိတ်ဝိုင်းဝန်းဆွေးနွေးခဲ့ကြသည်။

 

 ယင်းတို့ ဆွေးနွေးချက်များအပေါ် တိုင်းဒေသကြီးဝန်ကြီးချုပ်က ပြန်လည်ပေါင်းစပ်ညှိနှိုင်းဆွေးနွေးပြီး ကျန်းမာရေးအထောက်အကူပြုပစ္စည်းများ ထောက်ပံ့ပေးသွားမည့် အစီအစဉ်များကို ပြောကြားခဲ့သည်။